ڕۆژی دووشه‌ممه ١٤ی خه‌زه‌ڵوه‌ر، دژبه‌رانی شه‌ڕ له هوله‌ند، نۆروێژ، توركیا و به‌ریتانیا ڕژانه سه‌ر شه‌قام و خوازیاری ڕاگرتنی هێرشه‌كانی ئه‌رته‌شی ئیسڕائیل بۆ سه‌ر غه‌زه و لوبنان بوون.
به‌شداربووانی ئه‌و چالاكییانه به به‌ده‌سته‌وه‌گرتنی ئاڵای فه‌له‌ستین و وتنه‌وه‌ی دروشم خوازیاری ڕاگرتنی هێرشه‌كانی ئیسڕائیل بۆ سه‌ر غه‌زه و لوبنان، ڕاگه‌یاندنی ئاگربه‌ستی هه‌میشه‌یی و ئازادی دیله‌كانی ده‌ستی حه‌ماس و به‌ندكراوانی فه‌له‌ستینی له زیندانه‌كانی ئیسڕائیل بوون.