خانه‌نشینكراوانی سه‌نعه‌تی نه‌وتی خووزستان، ڕۆژی سێشه‌ممه ٢٠ی جۆزه‌ردان له شاری ئه‌هواز كۆبوونه‌وه و به وتنه‌وه‌ی دروشم خوازیاری جێبه‌جێكردنی داخوازییه‌كانیان بوون.
خانه‌نشینكراونی ناڕازی به كۆبوونه‌وه له‌به‌رده‌م سندووقی خانه‌نشینی خوازیاری زیادكردنی حه‌قده‌ست به‌پێی ڕێژه‌ی هه‌ڵاوسان، به‌هره‌مه‌ندبوون له ده‌رمانی خۆڕایی، پێدانی مه‌زایای خانه‌نشینی، به‌كرده‌وه‌ده‌رهاتنی گه‌ڵاڵه‌ی هاوسانسازی و هه‌ڵوه‌شانه‌وه‌ی بڕیاری ده‌وڵه‌ت بۆ تێكه‌ڵكردنی سندووقه‌كانی خانه‌نشینی بوون.