ڕۆژی شه‌ممه ٧ی مانگی گه‌لاوێژ، كۆمه‌ڵێك له ئێرانیانی ئازادیخواز له وڵاتانی ئاڵمان و ئوستڕاڵیا دژ به ڕژیمی جه‌نایه‌تكاری كۆماری ئیسلامی خۆپێشاندانیان كرد.
به‌پێی ڕاپۆرته‌كان، كۆمه‌ڵێك له ئێرانیانی ئازادیخواز به كۆبوونه‌وه له‌به‌رده‌م باڵوێزخانه‌ی كۆماری ئیسلامی له شاری فڕانكفۆرتی ئاڵمان، وێڕای شه‌رمه‌زار كردنی جه‌نایه‌ته‌كانی ڕژیم، پشتیوانی خۆیان له شۆڕشی گه‌لانی ئێران بۆ گه‌یشتن به ئازادی و به‌رابه‌ری ده‌ربڕی. له‌لایه‌كی دیكه‌وه ئێرانیانی ئازادیخوازی ئوستڕاڵیا به كۆبوونه‌وه له شاری بریزبن دژایه‌تی خۆیان له‌گه‌ڵ ده‌سه‌ڵاتی سه‌ركوتگه‌ری ئیسلامی نیشان دا و به وتنه‌وه‌ی دروشم خوازیاری پشتیوانی كۆمه‌ڵگای جیهانی له خه‌ڵكی ئێران و دانانی سپای پاسداران له نێو لیستی تیرۆریسمی نێوده‌وڵه‌تی بوون.