به هه‌زاران كه‌س له خه‌ڵكی شیلی، ڕۆژی یه‌كشه‌ممه ٢٧ی ڕه‌زبه‌ر، بۆ ڕێزگرتن له یه‌كه‌م ساڵوه‌گه‌ڕی ناڕه‌زایه‌تییه‌كانی ساڵی ڕابردوو كه به‌هۆیه‌وه زیاتر له ٣٠ كه‌س گیانیان له‌ده‌ستدابوو و به هه‌زاران كه‌سیش بریندارببوون، هاتنه سه‌ر شه‌قامه‌كان و له گۆڕه‌پانی ناوه‌ندی شاری “سانتیاگۆ” پێته‌ختی ئه‌م وڵاته كۆبوونه‌وه.
به پێی ئه‌م ڕاپۆرته، ناڕازییان خوازیاری چاكسازی له ده‌ستووری ئه‌م وڵاته كه له‌كاتی زه‌مام داری ژێنێڕاڵ “ئاگوستۆ پینۆشێ” له ساڵی ١٩٧٣ ئاماده كرابوو بوون. شایانی باسه، له ئه‌نجامی ئه‌م خۆپیشاندانه هێزه‌كانی پۆلیس به گازی فرمێسكڕێژ و ماشینی ئاوپاش هێرشیان كردووه‌ته سه‌ر ناڕازییان و به‌گژیاندا چوونه‌ته‌وه. جێگه‌ی وه‌بیرهێنانه‌وه‌یه، ساڵی ڕابردوو به‌دوای گران بوونی قیمه‌تی بلیتی مێترۆ له شاری سانتیاگۆ، خه‌ڵكی ناڕازیی ڕژانه سه‌ر شه‌قامه‌كان و ئه‌م ناڕه‌زایه‌تییانه به خێرایی گۆڕا بۆ ئێعتڕاز به نایه‌كسانی و چوونه‌سه‌ره‌وه‌ی هه‌زینه‌كانی ده‌رمان و ناجێگیربوونی بارودۆخی سیستمی په‌روه‌رده‌یی له‌م وڵاته.