دوشنبه – ۱۰ تیر – ۱۳۹۸ , 01 – 07 – 2019
به ده‌یان هه‌زار هاووڵاتیی له سوودان ڕۆژی یه‌كشه‌ممه ٩ی مانگی پووشپه‌ڕ، له‌دژی ده‌سه‌ڵاتی نیزامی ئه‌م وڵاته هاتنه سه‌ر شه‌قامه‌كان و به‌وتنه‌وه‌ی درووشم خۆپیشاندانیان ئه‌نجام دا.
به پێی ڕاپۆرته‌كان، ناڕازییان خوازیاری سپاردنی ده‌سه‌ڵات له شوڕای نیزامییه‌وه به ده‌وڵه‌تی غه‌یره نیزامی بوون. میدیاكانی ده‌وڵه‌تی سوودان له‌سه‌ر زاری وه‌زاره‌تی بێهداشت ڕایانگه‌یاندووه كه هێزه‌كانی پۆلیس به كه‌ڵك وه‌رگرتنی له گازی فرمێسكڕێژ هێرشیان كردووه‌ته سه‌ر خۆپیشانده‌ران له خارتووم و له ئه‌نجامی ئه‌م تێكهه‌ڵچوونه‌دا لانیكه‌م، ٧ كه‌س گیانیان له‌ده‌ست داوه و ١٨١ كه‌سی دیكه‌ش به سه‌ختی برینداربوون. جێگه‌ی وه‌بیرهێنانه‌وه‌ی كه ئه‌ڕته‌شی سوودان پاش چه‌ندین حه‌فته‌ی ده‌ربڕینی ناڕه‌زایه‌تیی، له مانگی ئاوریلی ڕابردوودا ده‌وڵه‌تی “عومه‌ره‌لبه‌شیر” سه‌رۆك كۆماری ئه‌م وڵاته‌ی هه‌ڵوه‌شانده‌وه و شوڕایه‌كی نیزامی وه‌ك ده‌سه‌ڵاتی ڕاسپاردراو دیاری كرد.