ڕۆژی دووشه‌ممه ١٦ی به‌فرانبار، به هه‌زاران كرێكاری ژن له گه‌وره شاری “به‌نگلور”ی هێند، له ناڕه‌زایه‌تیی به په‌رداخت نه‌كردنی حه‌قده‌سته‌كانیان ده‌ستیان له‌كار كێشایه‌وه و خۆپیشاندانیان ئه‌نجام دا.
خۆپیشانده‌ران له‌ڕێگه‌ی به‌ده‌سته‌وه گرتنی چه‌ندین پلاكارد و ئاڵای سوور و هه‌روه‌ها به وتنه‌وه‌ی درووشم، خوازیاری په‌رداختی سه‌رجه‌م حه‌قده‌ست و مه‌زایا دواخراوه‌كانیان بوون. شایانی باسه، هه‌ندێ له‌م كرێكارانه كه له به‌شی خزمه‌تگوزاری بێهداشتی كار ده‌كه‌ن و زیاتر له ١٥ مانگه حه‌قده‌سته‌كانیان په‌رداخت نه‌كراوه ڕایانگه‌یاندووه، ئه‌گه‌ر ده‌وڵه‌ت سه‌رنج به خواسته‌كانیان نه‌دات، ئه‌وه ده‌ست ده‌ده‌نه به‌ڕێوه‌بردنی مانگرتنی بێسنوور.