ڕاپۆرتە مەیدانییەکان ئاماژە بەوە دەکەن کە دوو قوتابخانەی کچان لە ناوچەی “فەلکەی دووەمی هێزی هەوایی” لە ڕۆژهەڵاتی تاران، کراونەتە بنکەی هێزەکانی سوپا و بەسیج.
ئەم دوو ناوەندە بریتین لە ئامادەیی کچانی “مەعسوومە قەزوینی” و هونەرستانی کچانی “فاتیمە تەعیمی“. چالاکوانانی مافی مرۆڤ هۆشدارییان داوە کە بەکارهێنانی ناوەندە پەروەردەییەکان بۆ مەبەستی سەربازی، پێشێلکردنی بنەما نێودەوڵەتییەکان و پاراستنی ژینگەی فێربوونە.