بە پێی زانیاریه‌‌کان، ماوه‌ی سێ رۆژە ئه‌رته‌شی عێراق ژمارەیەکی زۆر چەکی قورس و كه‌ڕه‌سته‌ی نێزامی بۆ شاری شه‌نگال و ده‌ورووبه‌ری ده‌گوازێته‌وه.
به وته‌ی هاووڵاتیان، هێزه‌كانی ئه‌رته‌شی عێراق لە ناوی کۆڵانەکانی شه‌نگال دا بە چەکی قورسەوە هاتووچۆ دەکەن و هێشتا هۆکاری بڵاوبوونەوەی ئەم هێزانە دیار نییە، به‌ڵام ترس و نیگه‌رانیان له لای دانیشتووانی شه‌نگال و گونده‌كانی ده‌ورووبه‌ری درووست كردووه.