رۆژی ڕابردوو، وەزارەتی بەرگری ئیمارات ڕایگەیاند کە سیستەمی بەڕگری ئەو وڵاتە دوو مووشەک کە لە لایەن کۆماری ئیسلامی ئاراستەی ئەو وڵاتە کرابوون، خستووەتە خوارەوە.
بە پێی ئەو ڕاگێندراوە، مووشەکەکان کەوتوونەتە ناو ئاوە نێودەولەتییەکان و نوقمبوون، هەروەها وەزارەتی بەڕگری ئیمارت ڕایگەیاندووە کە ئەرتەشی ئەو وڵاتە لە بەرزترین ئاستی ئامادەیی خۆیانن و بەڕگری لە هەر جۆرە مەترسییەک لە لایەن وڵاتانی ناوچەکەوە دەکەن. شایانی باسە کە تا کاتی دارشتنی ئەم هەواڵە بەرپرسانی کۆماری ئیسلامی هیچ کاردانەویەکیان سەبارەت بە ئەم بابەتە نەبووە.