به پێی ڕاپۆرته‌كان، به‌هۆی ته‌قینه‌وه‌ی گاز لە شاری “چارداوڵ”ی سەر بە ئۆستانی ئیلام تەقینەوەیەکی گەورە ڕوویدا و بە هۆشیه‌وه سەدان کەس بریندار بوون.
سه‌باره‌ت به هۆکارى تەقینەوەکەوە جێگری فه‌رمانداری ئیلام ڕایگه‌یاندووه: ته‌قینه‌وه‌كه بەهۆی بوتڵێکی گازی ٨٠٠ کیلۆیی بووه. بەپێى زانیارییەکان، هه‌تا ئێستا ٢٣٠ کەس برینداربوون و برینی زۆرینەى بریندارەکانیش سەختن. شایانی باسه، ئەو بوتڵەى تەقیوەتەوە گازى کلۆر بووە و بەهۆیەوە خەڵکێکى زۆر ژەهراوى بوون و لە ئێستادا شوێنى روداوەکە کۆنتڕۆڵ کراوە و سەرجەم نەخۆشەکان بۆ نەخۆشخانەیەکى ئیلام گواستراونەتەوە.