ڕۆژی شه‌ممه ٢٤ی جۆزه‌ردان، له‌سه‌ر بڕیاری پشكێنه‌رانی ئیداره‌ی گشتیی شارستانی مینووده‌شت، چالاكیی به‌شێك له مه‌عده‌نی زوغاڵ سه‌نگی ته‌خت، به‌هۆی ئه‌وه‌یكه پێی ده‌وترێ “په‌یڕه‌و نه‌كردنی ئیمه‌نی كار”، ڕاگیرا.
به وته‌ی كرێكارانی ئه‌م به‌شه، له ئێستادا چالاكیی یه‌كێك له توونێله‌كانی به‌رهه‌مهێنه‌ری زۆغاڵ سه‌نگی ته‌خت ڕاگیراوه و پتر له ٧٠ كرێكاری ئه‌م به‌شه بێكار كراون. شایانی باسه، له مه‌عده‌نی زۆغاڵ سه‌نگی ته‌ختدا، كه له ناو دارستانه‌كانی مینووده‌شت دایه، زیاتر له ٣٠٠ كرێكار كار ده‌كه‌ن.