وتەبێژی سپای ئیسرائیل ڕایگەیاند گروپێک لە هێزەکانی حیزبوڵڵا کە باڵەخانەیەکیان لە باشووری لوبنان وەک بارەگای ئۆپەراسیۆن بەکاردەهێنا، کراونەتە ئامانج و لەناو براون.
بەپێی ئەم بەیاننامەیە، هێزەکانی فیرقەی ٩١ی سپای ئیسرائیل لە کاتی شەودا چەند ئەندامێکی حیزبوڵڵایان ناسیوەتەوە کە چوونەتە ناو باڵەخانەیەک لە ناوچەی ئۆپەراسیۆنی هێزە ئیسرائیلییەکان لە باشووری لوبنان. دەوترێت ئەم باڵەخانەیە وەک بارەگای چالاکییەکانی ئەم گروپە بەکاردەهێنرا. سوپای ئیسرائیل ڕایگەیاند دوای ناسینەوەی ئەم کەسانە، هێزی ئاسمانی دەستبەجێ باڵەخانەکەی کردووەتە ئامانج و کەسانی ناو باڵەخانەکە کوژراون.