وریشە مورادی، بەندکراوی سیاسیی بەندکراو لە بەندیخانەی ئێڤین، وەک سزایەک لە مافی بەکارهێنانی تەلەفۆنی بەندیخانە بێبەش کرا.
بەپێی زانیارییە بەدەستگەیشتووەکان، وریشە مورادی وەک سزایەک، لە دەستڕاگەییشتن و بەکارهێنانی تەلەفۆنی بەندیخانە بێبەش کراوە. ئەم بەندکراوە سیاسییە پێشتریش لە چاوپێکەوتن لەگەڵ بنەماڵە و پارێزەرەکانی بێبەش کرابوو و ئەم سنووردارکردنە هێشتا بەردەوامە. پێشتریش لە ڕاپۆرتەکاندا هەواڵی بێبەشکردنی ٦ بەندکراوی ژنی بەندکراو لە بەندیخانەی ئێڤین بڵاو کرابووەوە. هەروەها، پێشتریش ڕاپۆرتگەلێک لەسەر سەپاندنی سنووردارکردنی هاوشێوە دژ بە بەندکراوانی سیاسیی ژن لە بەندیخانەی قەرچەک، لە کاردانەوە بە نەزمە ناڕەزایەتییە هێمنانەکان بڵاو ببووەوە. بێبەشکردنی بەکۆمەڵی بەندکراوان لە ئیمتیازە باوەکان، بەبێ ڕوونکردنەوەیەکی ئاشکرا لەسەر هۆکارەکانی، دەکرێ ئەو تێڕوانینە دروست بکات کە جۆرێک لە سزادانی بەکۆمەڵ لە ئارادایە؛ بابەتێک کە لە نەبوونی شەفافیەتدا، دەبێتە هۆی زیادبوونی بێمتمانەیی و ناڕەزایەتی لە کەشی بەندیخانەکەدا.