بەپێی ڕاپۆرتەکان، سەرەڕای تێپەڕبوونی زیاتر لە مانگێک لە دەستبەسەرکردنی “حەدیس حەقیقی“، بلاگێڕی ٢١ ساڵەی خەڵکی ورمێ، سەبارەت بە چارەنووس و شوێنی ڕاگیرانی زانیارییەک لەبەر دەستدا نییە.
هێزە ئەمنییەتییەکانی ڕێژیم شەوانە و بەبێ بەڵگەی یاسایی هێرشیان کردە سەر ماڵی ئەو هاووڵاتییە و حەدیس و باوکیان دەستبەسەر کردووە و تا ئێستاش لە دەستڕاگەیشتن بە پارێزەر و چاوپێکەوتن لەگەڵ بنەماڵە بێبەش کراون. هەروەها لاپەڕەی تایبەتیی ئەو بلاگێرە لە “ئینستاگرام” بە فەرمانی ناوەندەکانی ڕێژیم و تا کاتێکی نادیار ڕاگیراوە و لاپەرەکەیان داخستووە.