ڕاپۆرته‌كان باس له‌وه ده‌كه‌ن كه بەرپرسانی زیندانی بەندەرعەباس داواکاریی مەرەخەسیی “تەحسین پیروزی”، به‌ندكراوی سیاسیی خەڵکی گوندی “سەردۆشـ”ـی شاری مەریوان، ڕه‌ت كردووه‌ته‌وه.
بە پێی ئه‌م ڕاپۆرته، ناوبراو لە ماوەی دەستبەسەرکرانیدا، لە مافی مەرەخەسی و دەستپێراگەیشتن بە پاڕێزەر بێبەریی کراوە. شایانی باسه، بەرپرسانی زیندانی بەندەرعەباس لە کاتی بڵاوبوونەوەی ویرووسی کۆرۆنا، مەرەخەسییان به تەحسین پیروزی نه‌داوه. جێگه‌ی ئاماژه‌یه، مانگی ڕەشەمەی ساڵی ٩٧، “ته‌حسین پیروزی” لە لایەن دادسەرای نیزامیی شاری مەریوان بە تۆمەتی “هاوکاری لەگەڵ یەکێک لە حیزبە نه‌یاره‌كانی ڕژیم” بە ١٥ ساڵ زیندان و دوورخرانەوە بۆ زیندانی بەندەرعەباس مەحکووم کرابوو. ناوبراو ساڵی ٩٨ لە زیندانی مەریوان بۆ زیندانی سنە ڕاگوێزرا و دواتر بۆ زیندانی بەندەرعەباس دوور خرابوویه‌وه.