به‌پێی ئاماره‌كان، ده هه‌زار كرێكاری شاغڵ له به‌شی ساختمانسازی پارێزگای ورمێ له بیمه‌ی ده‌رمانی بێبه‌شن و به‌ڵێنه‌كانی ده‌وڵه‌ت بۆ پێدانی بیمه هێشتا جێبه‌جێ نه‌كراوه.
به وته‌ی كرێكارانی ناڕازی، به‌رپرسانی ئوستانی و كیشوه‌ری پێشتر به‌ڵێنیان دابوو كه كێشه‌ی بیمه‌ی ده‌رمانی كرێكارانی پارێزگای ورمێ چاره‌سه‌ر بكه‌ن، به‌ڵام نه‌ك كێشه‌كه‌یان چاره‌سه‌ر نه‌كردووه به‌ڵكوو، بیمه‌ی ته‌ئمیین ئیجتیماعی هه‌زار و ٢٠٠ كرێكاریشیان بڕیوه. ساڵانه ده‌یان كرێكارانی ساختمانی ده‌بنه قوربانی ڕووداوه‌كانی كار و به‌شێكیان گیانیان بۆ دابینكردنی پارویه‌ك نان به‌خت ئه‌كه‌ن و ژماره‌یكی زۆریان بریندار و خانه‌نشین ده‌بن. نه‌بوونی بیمه گوشارێكی زۆری خستووه‌ته سه‌ر شانی كرێكارانی ساختمانی و بنه‌ماڵه‌كانیان، به‌و بۆنه‌وه زۆربه‌ی كرێكاران و خێزانه‌كانیان ناتوانن سه‌ردانی ناوه‌نده ده‌رمانییه‌كان بكه‌ن.