به پێی ڕاپۆرته بڵاوكراوه‌كان، ژینگەپارێزانی شاری “سەقز” بە هاوکاریی گرووپی شاخەوانیی “گردەکۆ” لە بەرەبەری هاتنی وەرزی زستاندا هەڵمەتێکی ژینگەپارێزیان بەڕێوە بردووه.
شایانی باسه، لەو چالاکییەدا شیفی بن دارەکانی ناوشاریان بڕیوە و نێوشاریان لە زبڵ و خاشاک خاوێن کردووەتەوە. هەروەها لەو هەڵمەتە ژینگەییەدا دوو سەد نەمامیان بەمەبەستی پەرەپێدانی دارستان و پاراستنی زیاتری ژینگە چاندووە. شایانی باسه، ژینگەوانانی سەقز و گرووپی شاخەوانیی “گردەکۆ” سەرەڕای بەڕێوەبردنی چالاکییەکی ژینگەیی، جەختیان لە کاری هەرەوەزی و هاوکاریی یەکتر کردووەتەوە.