دادگای پێڕاگه‌یشتن به تۆمه‌ته‌كانی وه‌پاڵدراوی “ئاتێنا دائێمی” چالاكی مه‌ده‌نی به‌ندكراو له زیندانی ئێوین، ڕۆژی یه‌كشه‌ممه ٦ی ڕێبه‌ندان له لقی ٣ی دادسه‌رای ئێوین به‌ڕێوه‌چوو.
ئه‌م په‌روه‌نده‌یه به‌هۆی چالاكییه‌كانی ئاتێنا دائێمی له زیندان كراوه‌ته‌وه و هاوكات له‌گه‌ڵ ئه‌م په‌روه‌نده‌یه، په‌روه‌نده‌یه‌كی دیكه له لایه‌ن ئیتلاعاتی سپا بۆ ناوبراو هاتووه‌ته گۆرێ. ناوبراو له په‌روه‌نده‌ی یه‌كه‌مدا به تۆمه‌تی “تێكدانی ئاسایشی زیندان”، “چالاكی ته‌بلیغی له‌دژی نیزام” و “كۆبوونه‌وه و ته‌بانی له‌دژی ئه‌منییه‌تی وڵات”، تاوانبار كراوه.