ڕاپۆرته‌كان باس له‌وه ده‌كه‌ن كه دواى تۆمارکردنى دو حاڵەتى نوێ لە شارى هەولێر، کۆى توشبوانى ویرووسی کۆرۆنا لە هەرێمى کوردستان گەیشتووه‌ته ١٩٠ کەس و لەو ژمارەیەش زۆرترینى لە پارێزگاى سلێمانى تۆمار کراوە.
وەزارەتى تەندوستى هەرێم ڕۆژی پێنجشەممە ١٤ی خاكه‌لێوه ڕایگه‌یاند، دو حاڵەتى نوێى توشبون بە ویرووسی کۆرۆناى لە شارى هەولێر تۆمار كراوه و بەوەش ژمارەى توشبوان لە هەرێمى کوردستان بۆ ١٩٠ كه‌س به‌رزبووه‌ته‌وه و لەو ژمارەیەش ١٠١ حاڵەتى لە پارێزگاى سلێمانى و ٦٥ حاڵەتى لە پارێزگاى هەولێر و ١٢ حاڵه‌تیش له پارێزگانی هەڵەبجە و دهۆك تۆمار کراوە. ئه‌مه له كاتێكدایه كه هه‌تا ئێستا دوو كه‌س به‌هۆی ئه‌م ویرووسه گیانیان له‌ده‌ستداوه.