رۆژنامەی “فیگارۆ”ی فه‌ڕانسه له ڕاپۆرتێكیدا بڵاویکردووه‌ته‌وه، لەشارۆچکەی “شولێت”ی فه‌ڕانسه لە هێرشێکی به چه‌قۆ، دوو کەس کوژران و سێ کەسی دیکەش بە سەختی برینداربوون.
لەو بارەیەوە، داواکاری گشتی ناوچەی ئەنگرەس بە ئاژانسی فرانس پرێسی راگەیاندووە، ئەنجامدەری هێرشەکە دەستگیرکراوە و ئاماژەی بەوەشکردووە هێشتا زووە ئەو کەسەی دەستگیرکراوە وەک ئەنجامدەری هێرشەکە دەستنیشان بکرێت و ئەوە تەنها گومانلێکراوە. ئەم هێرشه لە دوای ئەوە دێت، ماوەیەکە کوشتن بەهۆی هێرشی به چه‌قۆ لە فه‌ڕانسه زیادی کردووە و لە ڕێكه‌وتی ٣١ی مانگی رابردووشدا، میدیاکانی فه‌ڕانسه بڵاویانکردبووه‌وه، لە کەنیسەی نۆتێردام لە شاری نیسی فه‌ڕانسه، هێرشبەرێک بە چەقۆ هێرشیکردووەتە سەر چەند کەسێک و بەوهۆیەوە، سێ کەس کوژران و چەند کەسێکی دیکەش بریندارببوون، هاوکات هێرشبەرەکەش لەلایەن پۆلیسەوە دەستگیرکرابوو.