كۆمه‌ڵێك له كرێكارانی ده‌ركراوی شیركه‌تی هه‌ڵێنجانی نه‌وت و گازی گه‌چساران، ڕۆژی شه‌ممه ٢٩ی خه‌رمانان به خواستی گه‌ڕانه‌وه بۆ سه‌ر كاره‌كانیان له به‌رامبه‌ر فه‌رمانداریی ئه‌مشاره ده‌ستیاندایه كۆبوونه‌وه.
به‌وته‌ی ناڕازییان، ماوه‌ی چه‌ندین حه‌فته‌یه كه به بیانووی جۆاروجۆر له‌وانه پێویست نه‌بوون پێیان له‌سه‌ر كاره‌كانیان ده‌ركراون. ده‌شڵێن: هه‌ركامیان پێشینه‌ی كاری زیاتر له ١٠ ساڵیان هه‌یه و هه‌تا ئێستا بارودۆخی كاریان نه‌گۆڕاوه. شایانی باسه، ئه‌م كرێكارانه كه له‌سه‌ر كاره‌كانیان ده‌ركراون بڕی ٢ تا ٣ مانگ له حه‌قده‌سته‌كانیان دواخراوه و هه‌تا ئێستا په‌رداخت نه‌كراوه.