ڕاپۆرته‌كان باس له‌وه ده‌كه‌ن كه گرووپێك له نه‌یارانی ده‌وڵه‌تی به‌ڕازیل ڕۆژی پێنجشه‌ممه ٢٢ی جۆزه‌ردان، له حه‌ره‌كه‌تێكی ئێعتڕازی و سه‌مبۆلیكدا، به نیشانه‌ی ئێعتڕاز له لێوارئاوای شاری “ڕیودۆژانیرۆ”ی ئه‌م وڵاته، نزیكه‌ی ١٠٠ گۆڕیان هه‌ڵكه‌ندووه.
شایانی باسه، ناڕازییان ئه‌م گۆڕانه‌یان به دانانی خاچی ڕه‌ش و ئاڵای به‌ڕازیل نه‌خشاندووه و هۆكاری ئه‌م كاره‌یان گه‌ڕاندووه‌ته‌وه بۆ ئێعتڕاز به كاركردی ده‌وڵه‌ت له ئاست به‌ره‌وڕوو بوونه‌وه له‌گه‌ڵ كۆرۆنا و قوربانی بوونی نزیكه‌ی ٤٠ هه‌زار كه‌س له‌م وڵاته به ویرووسی كۆرۆنا. جێگه‌ی ئاماژه‌یه، “ژائیر بۆلسۆنارۆ” سه‌رۆك كۆماری به‌ڕازیل، دژی گرتنه‌به‌ری قه‌ره‌نتینه له‌م وڵاته بووه و پێشتر ڕایگه‌یاندبوو كه ئه‌م نه‌خۆشییه زۆر گرنگ و هه‌ستیار نییه.