شۆفیر ئۆتۆبووسه‌كانی ورمێ ڕۆژی چوارشه‌ممه ١٠ی به‌فرانبار بۆ ١٣مین ڕۆژی به‌رده‌وام له ناڕه‌زایه‌تیی به وه‌دینه‌هاتنی به‌ڵێنه‌كانی به‌رپرسان سه‌باره‌ت به په‌رداخت كردنی سه‌رجه‌م مۆتاڵباته‌كانیان ده‌ستیان له‌كار كێشایه‌وه و له ترمیناڵی ئه‌مشاره كۆبوونه‌وه.
شۆفیرانی ناڕازیی له‌ئاست په‌رداخت نه‌كرانی حه‌قی بیمه‌كانیان، دابین نه‌كردنی ته‌سهیلات و دابه‌زینی ئاستی داهاتیان، له ١٣ ڕۆژ له‌مه‌وبه‌ره‌وه، ده‌ستیانداوه‌ته كۆبوونه‌وه و خوازیاری دڵنیایی دان سه‌باره‌ت به وه‌دیهاتنی به‌ڵێنه‌كانی به‌رپرسانن. شۆفیرانی ناڕازیی جه‌ختیان كردووه‌ته‌وه كه ئه‌و هه‌زینانه‌ی كه خراوه‌ته ئه‌ستۆی شۆفیره‌كان، چیدی ناتوانن سه‌ره‌تایی ترین پێداویستییه‌كانی ژیانی خۆیان و بنه‌ماڵه‌كانیان دابین بكه‌ن. ناڕازییان كه واده و به‌ڵێنی بێ بنه‌مای به‌رپرسان وه‌تنه‌گ هاتوون، ڕایانگه‌یاندووه: كاتێك ده‌چنه‌وه سه‌ر كاره‌كانیان كه سه‌رجه‌م خواسته‌كانیان دابین بكرێت.