شۆفیرانی ئۆتوبووسه‌كانی سه‌ر سنوور له ئیلام، ڕۆژی سێشه‌ممه ٢ی مانگی گوڵان، بۆ دووهه‌مین جار ده‌ستیاندایه كۆبوونه‌وه و ناڕه‌زایه‌تییان ده‌ربڕی.
شۆفیرانی ناوگانی موسافیربه‌ری سنووری مێهران به كۆبوونه‌وه له به‌رامبه‌ر ئیداره‌ی گشتی گواستنه‌وه و پایانه‌ی ئۆستانی ئیلام، له‌ئاست كێشه‌وگرفته‌كانی وه‌دیهاتوو به‌دوای بڵاوبوونه‌وه‌ی كۆرۆنا و پشتیوانی نه‌كرانیان له لایه‌ن ده‌وڵه‌ت، ناڕازیین. ده‌شڵێن: دوو مانگه حه‌قی بیمه‌كانیان به سازمانی ته‌ئمینی ئیجتماعی په‌رداخت نه‌كراوه و له‌م بارودۆخه دژواره ئابوورییه‌ی ئێستادا كه ڕێژه‌ی له‌سه‌ره‌وه‌ی ئاوسان ته‌نگی به توێژی كه‌مداهاتی كۆمه‌ڵگا هه‌ڵچنیوه، به‌رده‌وامن له درێژه‌دان به ژیانیان.