به هه‌زاران كه‌س له خه‌ڵكی ناڕازیی تایله‌ند، ڕۆژی شه‌ممه سه‌ره‌ڕای هه‌ڕه‌شه و سه‌ركوتی هێزه‌كانی پۆلیس، بۆ جارێكی دیكه هاتنه سه‌ر شه‌قامه‌كان و له‌دژی ده‌وڵه‌ت درووشمیان وته‌وه.
ڕاپۆرته‌كان باس له‌وه ده‌كه‌ن كه له ئه‌نجامی ئه‌م خۆپیشاندانه، هێزه‌كانی پۆلیس هێرشیان كردووه‌ته سه‌ر ناڕازییان و بێرێزیان پێ كردوون. هاوكات خۆپیشانده‌ران ڕایانگه‌یاندووه، “ئێمه هه‌رجۆره توندووتیژییه‌ك له‌دژی خه‌ڵك سه‌ركۆنه ده‌كه‌ین و له ڕۆژی ١٧ی ئۆكتۆبریش درێژه به ناڕه‌زایه‌تییه‌كه‌مان ده‌ده‌ین” و داوا له خه‌ڵك ده‌كه‌ین كه خۆیان ئاماده بكه‌ن بۆ به‌ره‌نگاربوونه‌وه‌ی هێزه‌كانی پۆلیس. شایانی باسه، هێزه‌كانی پۆلیسی تایله‌ند له ماوه‌ی حه‌فته‌ی ڕابردوودا، زیاتر له ٥٠ كه‌س له خۆپیشانده‌ران له‌وانه ڕێبه‌ری ئه‌م ناڕه‌زایه‌تییانه‌یان ده‌ستبه‌سه‌ر كردووه.