به‌پێی هه‌واڵی گه‌یشتوو، ڕۆژی چوارشه‌ممه ٢٦ی ڕێبه‌ندان هاوكات له‌گه‌ڵ ڕۆژی كۆمه‌ڵه، كۆمه‌ڵێك له دۆستان و لایه‌نگرانی كۆمه‌ڵه و حیزبی كۆمۆنیستی ئێران له شاری سه‌قز چالاكیان ئه‌نجام دا.
به‌پێی ئه‌و هه‌واڵه، دۆستان و لایه‌نگرانی كۆمه‌ڵه له ده‌ورووبه‌ری شاری سه‌قز ڕێوڕه‌سمێكیان به مه‌به‌ستی ڕێزلێنان له ٢٦ی ڕێبه‌ندان، ڕۆژی ئاشكرابوونی كار و چالاكییه‌كانی كۆمه‌ڵه به‌ڕێوه‌بردووه. به‌شداربووانی ئه‌و ڕێوڕه‌سمه وێڕای باس كردن زیاتر له پێنج ده‌یه خه‌بات و تێكۆشانی كۆمه‌ڵه بۆ گه‌یشتن به ئازادی و به‌رابه‌ری، یادی ته‌واوی گیانبه‌ختكردووانی ڕێگای ئازادی و یه‌كسانیان ڕێز لێنا و پاش خوێندنی چه‌ند سروودی شۆڕشگێڕانه، په‌یمانیان له‌گه‌ڵ ئامانج و ئاواتی ته‌واوی گیانبه‌ختكردووانی ڕێبازی كۆمه‌ڵه و حیزبی كۆمۆنیستی ئێران نوێ كرده‌وه، دواتر ڕێوڕه‌سمه‌كه به بڵاكردنه‌وه‌ی شیرینی كۆتایی پێهات.