ڕۆژی یه‌كشه‌ممه ١٠ی خاكه‌لێوه‌ی ١٤٠٤، بنه‌ماڵه‌ی گیانبه‌ختكردووانی شۆڕشی “ژن، ژیان، ئازادی” له كوردستان، سه‌ره‌ڕای گوشاری هێزه‌كانی ڕژیم، سه‌ردانی گڵكۆی ئازیزانی گیانبه‌ختکردویان كرد
به پێی ئه‌و وێنانه‌ی به ده‌ستی ناوه‌ندی هه‌واڵی كۆمه‌ڵه گه‌یشتووه، له شاری دێولان، بنه‌ماڵه‌ی “ڕه‌زا لوتفی”گیانبه‌ختكردووی ڕێگای ئازادی، به دانانی گوڵی سوور له سه‌ر گڵكۆكه‌ی یادی ئه‌و ئازیزه‌یان به‌رز ڕاگرت. هه‌روه‌ها له شاره‌كانی سه‌قز و بۆكان، بنه‌ماڵه‌ی گیانبه‌ختكردووان “ژینا ئه‌مینی، دانیاڵ پابه‌ندی، ئیسماعیل دزوار، فه‌ره‌یدوون محه‌ممه‌دی، شهریار محه‌ممه‌دی، ئه‌مجه‌د عه‌نایه‌تی و هه‌ژار مام خوسره‌وی” و هه‌روه‌ها كۆمه‌ڵێكی دیكه له بنه‌ماڵه‌ی گیانبه‌ختكردووانی شۆڕشی “ژن، ژیان، ئازادی”، به خوێندنی شیعر و دانانی گوڵی سوور له سه‌ر گڵكۆكانیان، وێرای په‌یمان نوێ کردنه‌وه له‌گه‌ل ئامانجه‌کانیان، رێزیان له بیره‌وه‌ریه‌کانیان گرت.