ڕۆژی سێشه‌ممه ٤ی به‌فرانبار، ئه‌رته‌شی ڕووسیه هێرشێكی گه‌وره‌ی كرده سه‌ر شاره‌كانی ئۆكراین و به‌وهۆیه‌وه كه‌سێك گیانی له‌ده‌ست دا و ١١ كه‌سی مه‌ده‌نی بریندار بوون.
له دوای هێرشی په‌هبادی ئۆكراین بۆ سه‌ر شاری كازان، ئه‌رته‌شی ڕووسیه به زیاتر له ١٠٠ په‌هباد و مووشه‌كی بالستیك هێرشی كردووه‌ته سه‌ر چه‌ند شاری ئۆكراین وه‌كوو كریوی ڕییه و له ئه‌نجامی ئه‌و هێرشانه‌دا، به لانیكه‌م كه‌سێك گیانی له‌ده‌ست داوه و ١١ كه‌سی دیكه‌ش بریندار بوون.