به پێی ڕاپۆرتی ڕێكخراوی مافی مرۆڤی هەنگاو، لە سنووری شارۆچکەی نەوسوودی سەر بە شاری پاوە له ئۆستانی کرماشان، کۆڵبەرێک بە تەقەی ڕاستەوخۆی هێزەكانی ڕژیم و کۆڵبەرێکیش بە هۆی به‌ربوونه‌وه لە بەرزایییەوە بە سەختی بریندار بوون.
بە پێی ئه‌م ڕاپۆرته، ئێوارەی ڕۆژی دووشەممە ٨ی بەفرانبار، هێزەکانی ڕژیم لە سنووری نەوسوود، دەسڕێژیان لە ژماره‌یه‌ك کۆڵبەر کردووە و له ئه‌نجامیدا کۆڵبەرێک به ناوی “ڕەزا” خەڵکی شاری سەلاسی باوەجانی بە سەختی بریندار بووه. شایانی باسه، باری تەندروستیی ناوبراو ناجێگیره و به مه‌به‌ستی چارەسەری پزیشکی گوازراوەتەوە بۆ بنکەیەکی تەندروستی شاری پاوه. هه‌روه‌ها کۆڵبەرێکی دیکەی خەڵکی سەلاسی باوەجانی بە ناوی “عەبدولکەریم محەممەدی” بە هۆی به‌ربوونه‌وه لە بەرزایییەوە بە سەختی بریندار بووە.