ڕۆژی چوارشەممە ٢٩ی خەرمانانی ١٤٠٢، کۆڵبەرێک لە سنووری “کێلە“ی شاری بانە بە تەقەی ڕاستەوخۆی هێزەکانی ڕژیم بریندار بوو.
بەپێی ڕاپۆرتی گەیشتوو بە کۆڵبەرنیوز، کۆڵبەرێکی خەڵکی شاری دیواندەرە بە ناوی “فەرید” ته‌مه‌ن ٢٥ ساڵ، بە فیشه‌كی ساچمه‌یی هێزە سنووریەکانی حكوومه‌ت به سه‌ختی بریندار و ڕه‌وانه‌ی نه‌خۆشخانه كرا. بە پشتبەستن بەو ئامارانەی لە ٦ مانگی یەکەمی ساڵی ٢٠٢٣دا لە کۆلبەرنیوز تۆمار کراون، بە گشتی ٦١ کۆلبەر لە ناوچە سنوورییەکان و ڕێگاکانی نێوان پارێزگاکانی ئازەربایجانی ڕۆژئاوا، کوردستان و کرماشان بە هۆکارەکانی وەک تەقەی ڕاستەوخۆی هێزە نیزامییەکانی ڕژیم گیانیان لەدەستداوە. لە کۆی گشتی ئه‌و ڕێژه‌یه، ١١ کۆلبەر (١٨%) کوژراون و ٥٠ کۆلبەر (٨٢%) بریندار بوون.