ڕۆژی پێنجشه‌ممه ١٤ی خاكه‌لێوه‌ی ١٤٠٤، به هۆی ئاگر لێكه‌وتنی ماڵێك له شاری ئه‌رده‌بێڵ، ٧ كه‌س به سه‌ختی بریندار و ڕه‌وانه‌ی نه‌خۆشخانه‌ی ئه‌و شاره كران.
به پێی ڕاپۆرته‌كان، كه‌سانی بریندار له دۆخێكی خراپی ته‌ندرووستیدان و ئه‌گه‌ری گیان له ده‌ستدانی چه‌ند بریندار له ئارادایه. جێگای ئاماژه‌یه، ڕژیمی كۆماری ئیسلامی به هۆی بایه‌خ نه‌دانی به گیان و ماڵی هاووڵاتیان و هه‌روه‌ها به‌دوادانه‌چوونی ڕێكخراوه په‌یوه‌ندیداره‌كان له سه‌ر ستاندارد ساز كردنی خانووه‌كان له ئێران، ساڵانه به هۆی ته‌قینه‌وه و هه‌روه‌ها ڕووخانی خانووی دانیشتوانی شاره‌کانی ئێران، ژماره‌یه‌كی زۆر گیانیان له ده‌ست ئه‌ده‌ن و به سه‌دان كه‌سی دیكه‌ش بریندار و كه‌م ئه‌ندام ده‌بن.