له ماوه‌ی ڕۆژانی ڕابردوودا، هاووڵاتییەکی بە ناوی “شارام مستەفاپوور” خەڵکی گوندی “ماوانە”ی ناوچەی تەرگەوەڕی ورمێ کرایە ئامانجی تەقەی ڕاستەوخۆی هێزە نیزامییەکانی ڕژیم و به‌هۆیه‌وه بریندرابوو.
بە وتەی سەرچاوەیەکی ئاگادار، هێزە نیزامییەکان پاش بریندارکردنی ئەو هاووڵاتییە، ناوبراویان دەستبەسەر کردووە. هه‌روه‌ها ئاماژه به‌وه‌ش كراوه كه “ئەو هاووڵاتییە بەهۆی قورسیی برینەکانیەوە بۆ نەخۆشخانەی ورمێ ڕاگوێزراوە و لەژێر چاوەدێریی هێزە نیزامییەکان لە نەخۆشخانەدایە و هێزە ئەمنییەتییەکان هەتا ئێستا ئیزنی چاوپێکەوتن لەگەڵ بنەماڵەکەی بەو هاووڵاتییەیان لە نەخۆشخانە نەداوە. شایانی باسه، هەتا کاتی بڵاوبوونەوەی ئەم هەواڵە، لە هۆکاری تەقەکردن و دەسبەسەرکردنی ئەو هاووڵاتییە ، هیچ زانیارییەک لەبەر دەستدا نییە.