به پێی ڕاپۆرته‌كان، ڕۆژی هه‌ینی ٢١ی مانگی پوشپه‌ر، کۆڵبەرێکی خه‌ڵكی گوندی “قوتوور” لە ناوچە سنوورییەکانی شاری خۆی، به هۆی تەقەی ڕاستەوخۆی هێزە نیزامییەکانی ڕژیم برینداربوو.
بەپێی ئه‌م ڕاپۆرته، کۆڵبەرێک بە ناوی ” کەریم فارسی”، ٢٩ ساڵ ته‌مه‌ن لە سنووری شاری خۆیدا، بە هۆی تەقەی ڕاستەوخۆی هێزە نیزامییەکانی ڕێژیم بریندار بوو. شایانی باسه، ناوبراو کە خێزاندارە و دوو منداڵیشی هەیە، بەهۆی قورسیی برینەکەیەوە، بۆ نەخۆشخانەیەکی شاری ورمێ گواستراوەتەوە.