ڕۆژی چوارشه‌ممه ١٣ی خاكه‌لێوه، شارومه‌ندێكی خه‌ڵكی سه‌رده‌شت كه ناسناوی هێشتا ئاشكرا نه‌كراوه، به‌هۆی ته‌قینه‌وه‌ی مین به سه‌ختی بریندار بوو.
به وته‌ی به‌رپرسانی شاری سه‌رده‌شت، هێزه‌كانی ئۆرژانس ئه‌و شاره‌مه‌نده‌یان بۆ وه‌رگرتنی چاره‌سه‌ری پزیشكی ڕه‌وانه‌ی نه‌خۆشخانه كردووه و هێشتا زانیارییه‌ك له سه‌ر دۆخی ته‌ندرووستی بڵاو نه‌كراوه‌ته‌وه. جێگای ئاماژه‌یه كه ساڵانه ده‌یان شارومه‌ندی دانیشتووی ناوچه سنوورییه‌كانی كوردستان به‌هۆی ته‌قینه‌وه‌ی مینی چێندرای سپای پاسداران و پاشماوه‌كانی شه‌ڕی ئێران و عێراق بریندار، كه‌م ئه‌ندام یان قوربانی ده‌بن.