به پێی ڕاپۆرتی ڕێكخراوی مافی مرۆڤی هه‌نگاو، سێ کەس لە ئەندامانی ئیدارەی سەرچاوە سروشتییەکانی ئۆستانی کرماشان لە کاتی کوژاندنەوەی ئاگر له بەرزاییەکانی بۆزین و مەرەخێڵی پاوە بە هۆی تەقینەوەی مینەوە بریندار بوون.
بەپێی ئه‌م ڕاپۆرته، ڕۆژی چوارشەممە ١١ی پووشپەڕ، سێ کەس لە ئەندامانی ئیدارەی سەرچاوە سروشتییەکانی کرماشان لە کاتی کوژاندنەوەی ئاگر له دارستانەکانی بۆزین و مەڕەخێڵی پاوە بە هۆی تەقینەوەی مین بریندار بوون. هاوكات بەرپرسی کۆنتۆرڵی قەیرانەکانی ئۆستانی کرماشان لەوبارەوە بە هەواڵدەریی حکوومەتی “ئیرنا”ی ڕاگەیاندووە کە دوو کەس لە ئەنجامی تەقینەوەی مین بریندار بوون، بەڵام، بەرپرسی بەشی ناوخۆیی نەخۆشخانەی پاوە بە میدیاکانی ڕاگەیاندووە کە بریندارەکان سێ کەس بوون