له ئه‌نجامی ته‌قه‌ی ڕاسته‌وخۆی هێزه‌كانی ڕژیم له كۆڵبه‌ران، دوو كۆڵبه‌ر له گه‌رده‌نه‌ی ته‌ته‌ی هه‌ورامان به ته‌قه‌ی ئه‌م هێزانه به سه‌ختی برینداربوون.
سه‌رله به‌یانی ڕۆژی هه‌ینی ٢٦ی مانگی گوڵان، هێزه‌كانی سپای پاسداران له گه‌رده‌نه‌ی ته‌ته ته‌قه‌یان له پۆلێك له كۆڵبه‌ران كردووه و به‌هۆیه‌وه دوو كۆڵبه‌ر برینداربوون. ناوی یه‌كێك له‌م كۆڵبه‌رانه “نه‌وزاد” دانیشتووی ئاوایی به‌ندۆڵ ڕاگه‌یه‌ندراوه. شایانی باسه، ناوبراو ده‌ستبه‌جێ گه‌یه‌ندراوه‌ته یه‌كێك له نه‌خۆشخانه‌كانی شاری پاوه.