ڕۆژی چوارشه‌ممه ١٣ی سه‌رماوه‌ز، به‌هۆی داڕمانی توونێلی “زه‌ره” هه‌ڵكه‌وتوو له شارستانی كیار له ئۆستانی چوارمه‌حال و به‌ختیاریی، لانیكه‌م ١٠ كرێكار برینداربوون.
به وته‌ی شایه‌ت حاڵان، ئه‌م توونێله كه له نزیك شاری شه‌له‌مزار و ناغان و له مه‌ودای ٤٠ كیلومیتری شاری كورد هه‌ڵكه‌وتووه به‌هۆی بارینی باران و به‌فر داڕماوه. شایانی باسه، له ئه‌نجامی ئه‌م ڕووداوه، ئه‌م ١٠ كرێكاره كه له‌ناو توونێله‌كه گیریان خواردبوو پاش ڕزگار كردنیان له لایه‌ن تیمه‌كانی فریاكه‌وتنه‌وه، گوازتراونه‌ته‌وه بۆ نه‌خۆشخانه.