ڕۆژی سێشه‌ممه ١١ی به‌فرانبار، به‌لانیكه‌م ٥٧ شارومه‌ندی خه‌ڵكی شاره‌كانی شنۆ، پیرانشار، مهاباد و بۆكان به بیانووی پۆشینی جلی كوردی و هه‌ڵپه‌ڕكێ له مه‌راسیمێكی زه‌ماوه‌ند دا بانگهێشتی ناوه‌نده ئه‌منیه‌تیه‌كان كراون.
به‌پێی ڕاپۆرتی كۆڵبه‌رنیووز، ئه‌و ٥٧ هاونیشتمانیه له زه‌ماوه‌ندێكی پیرانشار به‌شداریان كردووه و پاش ته‌واوبوونی مه‌راسیمه‌كه، به بیانووی هه‌ڵپه‌ڕكێ و پۆشینی جلی كوردی بۆ لقی یه‌كی دادگای پیرانشار بانگهێشت كراون. به پێی ئیبلاغیه‌ی دادگاه، ئه‌و شارومه‌ندانه ئه‌بێ له ماوه‌ی پێنج ڕۆژی داهاتوودا خۆیان به‌و ناوه‌نده قه‌زاییه بناسێنن.