رۆژی دووشەممە 13ی مانگی گوڵان، بارینی بارانی بەخوڕ لە هەشت ئوستانی، ئیسفەهان، یەزد، خۆراسانی جنوبی، خۆراسانی رەزەوەی، کرمان، سێمنان، تاران و بەلوچستان، سێڵاوی لێکەوتەوە.
بەرپرسی رێکخراوی ” ئیمداد و نەجاتی هەلال ئەحمەر” راپۆرتی هاتنی سێڵاوی لە 6 شارەستان و 47 ئاوایی پاش بارینی بارانی شەوی دووشەممەی راگەیاند. ئەو کاربەدەستەی رژیم هەواڵی گیان لەدەستدانی 11 کەسی لە ئوستانەکانی یەزد، کرمان و خۆراسانی جنوبی بڵاو کردەوە. ئەگەری رووداوە سروشتیەکان هێشتا هەرەشەن بۆ ئاسایشی مرۆڤەکان، کەمتەرخەمی و بایەخنەدانی کاربەدەستانی حکومەتی لە ئێران هۆکاری سەرکین بۆ خەسارە مادییەکان و تەلەفاتە گیانییەکان.