بەپێی ڕاپۆرتی ڕێکخراوی مافی مرۆڤی هەنگاو، بەرەبەیانی ڕۆژی دووشەممە ٣٠ی پووشپەڕ، حوکمی ئێعدامی لانیکەم دوو بەندکراو بە ناوەکانی ئەمین سەفەر کش و ئەسەد کشاوەرز، تەمەن ٤٢ ساڵ، لە زیندانی ناوەندیی ورمێ جێبەجێ کراوە.
ئەمین سەفەر کش لە بەندی لاوان و ئەسەد کشاوەرز لە بەندی ١ ــ ٢، ڕۆژی ڕابردوو لەگەڵ بەندکراوێکی دیکە بە ناوی بەیتوڵڵا موتەلیبی بە مەبەستی جێبەجێ کردنی حوکمەکەیان بۆ ژووری تاکەکەسی گوازرابوونەوە. بە پێی ئه‌م ڕاپۆرته حوکمی ئێعدامی بەیتوڵڵا موتەلیبی بۆ ماوەی یەک مانگ و بە مەرجی دابین کردنی بڕی دیەی دیارکراو ڕاگیراوە و گەڕێندراوەتەوە بەند. شایانی باسه، ئەو دوو کەسە بە تۆمەتی “کوشتنی به‌ئەنقەست” دەستبەسەر و حوکمی ئێعدامیان بە سەردا سەپابوو و ئەسەد کشاوەرز ماوەی ٢٠ ساڵ بوو کە لە زیندانی ورمێدا بەند کرابوو.