دوو هاووڵاتی به‌لووچ كه تۆمه‌تی كوشتنی دوو كه‌س له هێزه‌كانی كۆماری ئیسلامییان له سه‌ر بوو و بۆ ماوه‌ی زۆرتر له ٥٠ ڕۆژه ده‌ستبه‌سه‌ر كراون، به ناچار دانیان به سناریۆ ناڕه‌واكانی كۆماری ئیسلامیدا ناوه.
ئه‌و دوو هاووڵاتیه به‌لووچه به ناسناوی “ڕاشد سپاهی” ته‌مه‌ن ٣٤ ساڵ و “مێهدی مه‌لازهی” ته‌مه‌ن ٣٣ ساڵ، كه به‌تۆمه‌تی كوشتنی دوو ئه‌ندام له هێزه‌كانی ڕژیمی كۆماری ئیسلامی به ناوه‌كانی “شه‌هره‌كی و پوودینه” به‌دوایانه‌وه بوون، له ژێر ئه‌شكه‌نجه و ئازاری ناوه‌نده ئه‌منیه‌كانی ڕژیمدا ناچار به دانپێدانانی زۆره‌ملی له سه‌ر سناریۆ درووستكاروه‌كانی ڕژیمدا بوون. جێگای ئاماژه‌یه یه‌كێك له‌و دوو كه‌سه سه‌ره‌ڕای ئه‌وه‌ی که دانی به تاوانه‌که‌یدا نه‌هێناوه به‌ڵام له لایه‌ن هێزه‌كانی ڕژیمه‌وه تۆمه‌تی “په‌یوه‌ندی له گه‌ڵ لایه‌نه‌كانی دژ به ڕژیم”ی به سه‌ردا سه‌پێندراوه، كه ئه‌مه‌ش به پێچه‌وانه‌ی یاسا نێوده‌وڵه‌تییه‌كانه. شایانی باسه ناوبراوان له كاتی دڕه‌ستبه‌سه‌ر كرانیان، له مافی ده‌ستڕاگه‌یشتنیان به پارێزه‌ر و هه‌روه‌ها په‌یوه‌ندی له گه‌ڵ بنه‌ماڵه‌كانیان بێبه‌ش كرابوون.