ڕۆژی ڕابردوو، دارستانه‌كانی چیای هانیڤان سه‌ر به پارێزگای ئیلام به هۆكارێكی نادیار ئاگری گرتووه و هێشتا به هۆی سه‌ختی ناوچه‌كه و هاتنی با، هه‌وڵه‌كان بۆ كوژاندنه‌وه‌ی ئاگره‌كه سه‌ركه‌وتوو نه‌بووه.
ئاگره‌كه له ناوچه‌ی سیاچه‌ڵه‌وه،كاتژمێر یه‌كی به‌یانی ده‌ستی پێكردووه و خه‌ڵكی خۆبه‌خش و ژینگه پارێزان له هه‌وڵی كوژاندنه‌وه‌ی ئاگره‌كه‌دان. شایانی باسه سه‌ره‌ڕای خراپی دۆخه‌كه و مه‌ترسی گه‌یشتنی ئاگره‌كه به شوێنی نیشته‌جێ بوونی هاووڵاتیان، ناوه‌نده په‌یوه‌ندیداره‌كانی ڕژیم هێشتا ته‌نانه‌ت تیمێكی فریاگوزاری ڕه‌وانه‌ی ئه‌و ناوچه نه‌كردووه.