به پێی ڕاپۆرته‌كان، نزیکەى دووسەد کیلۆمەتری چوارگۆشە ئاگر به‌ر بووته دارستانەکانى باکوری کالیفۆرنیا و بووەتە هۆی ئاوارەبوونی نزیکى ٢٠٠ هەزار دانیشتووی ئەو ویلایەتە.
دزگای پارێزگاری له ویلایەتی كالیفۆرنیا، باری نائاسایی ڕاگەیاندووە و هۆشداریداوە لە ئەگەری تەشەنە سەندنی زیاتری ئاگرەکە. سەرچاوەکان باس لەوە دەکەن کە ئاگرەکە بووەتە هۆکاری بڕینی به‌رق لە نزیکەى یەک ملیۆن هاووڵاتیی ویلایەتەکە بووته هۆی داڕوخانی سەدان بینا له‌م ویلایه‌ته. هاوکات، نزیکەى سێ هەزار کارمەندی ئاگرکوژێنەرەوە کار لە کوژاندنەوەی ئاگرەکە دەکەن و تا ئێستاش کۆنترۆڵ نەکراوە. بەرپرسانی ناوچەکە ڕایانگەیاندووە، نزیکەى ٧٠٠ میوانخانە و هۆتێل، هەتا ٧ی مانگی فورییه، بەڕووی ئاوارەبووەکاندا كراوه‌ته‌وه.