به‌پێی هه‌واڵی گه‌یشتوو، ناسنمامه‌ی ئه‌و كه‌سه‌ی له شاری دیوانده‌ره خه‌ڵكی ناڕازی داوه‌ته به‌ر ده‌سڕێژی گولله بریتیه له “ڕه‌زا عه‌زیزی” و كوڕه‌كه‌ی “شایان” هه‌ردوو ئه‌ندامی سپای پاسدارانن و ماڵیان له فازی ٢ی دیوانده‌ره دایه، هه‌وه‌رها له‌شاری سنه‌ش دوو پاسداری جه‌نایه‌تكار كه ته‌قه‌یان له خه‌ڵك كردووه بریتین له “فه‌رشید پوور ئه‌مین سه‌بزه‌واری” و “هادی مێهدیان”. جێگای ئاماژه‌یه كه هاووڵاتییان له شاری سنه‌وه هوشداری ده‌ده‌نه خوێندكارانی زانكۆی كوردستان كه ئاگاداری ئه‌و چه‌ند ماموستایه به‌سیجیه بن كه هاوكاریان له‌گه‌ڵ ئیداره‌ی ئیتلاعات هه‌یه، ناوه‌كان بریتین له: مامه‌ند سالاری” ،”عه‌تائۆڵڵا كه‌بوودوه‌ند”، “بابه‌ك سووری”، “جه‌میل ئه‌مانۆڵڵاهی”، “كامران چه‌پی كه پێشینه‌ی بێ ڕه‌وشتی ئه‌خلاقی زۆره”، “به‌ختیار محه‌ممه‌دی” و “هێمن شه‌هابی”.