به‌پێی هه‌واڵی گه‌یشتوو، ماوه‌ی ده ڕۆژه ئیداره‌ی ئیتلاعاتی بۆكان ئاسته‌نگییه‌كی زۆری بۆ بنه‌ماڵه دادخوازه‌كانی بۆكان درووست كردووه و ڕێگه ناده‌ن دایكانی دادخواز سه‌ردانی مه‌زاری ڕۆڵه‌كانیان بكه‌ن.
به وته‌ی هاونیشتمانیان، به‌رپرسی گۆڕستانی بۆكان كه‌سێكی سه‌ر به ئیداره‌ی ئیتلاعاته و له كاتی كۆبوونه‌وه‌ی بنه‌ماڵه‌ی دادخوازه‌كان، وێنه و گرته ویدیۆیان لێ هه‌ڵ ده‌گرێت. هه‌روه‌ها ناوه‌نده ئه‌منیه‌تیه‌كانی ئه‌و شاره هاتووچۆوه‌كان كۆنتڕۆڵ ده‌كه‌ن و گوشار ده‌خه‌نه سه‌ر بنه‌ماڵه‌كان. وێڕای هه‌موو ئه‌و ئاسته‌نگیانه‌ی به‌كرێگیراوانی ڕژیم درووستیان كردووه، دایكانی دادخواز یه‌كگرتووانه سه‌ردانی مه‌زاری ئازیزانیان ده‌كه‌ن و سووربوونی خۆیان له‌سه‌ر محاكمه‌ی تاوانباران دووپات ده‌كه‌نه‌وه.