ڕۆژی پێنج شەممە ٤ی خەرمانانی ١٤٠٠ی هه‌تاوی “ئارەش ئەحمەدی” تەمەن ٢٢ ساڵ و “ئەمیر ڕەزایی” تەمەن ٣٠ ساڵ، خەڵکی گوندی تەنگیسەر سەر بە شاری سنە له دوای نزیکەی چوار مانگ بەندکران هەر کامەیان بە دانانی بارمتەی ٢٥٠ میلیۆن تمەنی و بە شێوەی کاتی لە بەندیخانەی ئازاد کران.
شایانی باسه ئەم دوو بەندکراوە ڕۆژی ڕابردوو لە زیندانی ئیدارەی ئیتلاعاتی سنە بۆ بەندی قەرەنتینەی بەندیخانەی ناوەندیی ئەو شارە گوازرابوونەوە.”ئارام مورادیان” هاووڵاتییەکی دیکەی خەڵکی تەنگیسەر کە لەگەڵ ئەم دوو کەسە دەستبەسەر کرابوو هێشتا لە دەستبەسەرگەی ئیدارەی ئیتلاعاتی سنە ڕاگیراوە و چاره‌نووسی نادیاره .