پێنج هاووڵاتیی دەستبەسەر کراوی خەڵکی شاری سەقز دوای مانگێک له دەستبەسەر کرانیان بە دانانی وه‌سیقه و بە شێوەی کاتی له زیندان ئازاد کران.
بەپێی ڕاپۆرته‌كان، لە ماوەی ڕۆژانی ڕابردوودا، پێنج هاووڵاتیی دەستبەسەر کراوی خەڵکی سەقز بە ناوەکانی “عەلی قادری، ئارمیا ڕەنجبەری، هێمن کەریمی” و دوو برا بە ناوەکانی “هیوا ئەمینی و وریا ئەمینی” دوای مانگێک ڕاگیران لە گرتووخانه‌ی ئیدارەی ئیتلاعاتی شاری سنە، هەر کامەیان بە دانانی وه‌سیقه ٥٠ میلیۆن تمەنی و بە شێوەی کاتی هەتا بەڕێوەچوونی دانیشتنی دادگا ئازاد کراون. جێگه‌ی ئاماژه‌یه، ئەم پێنج هاووڵاتییە ڕۆژی چوارشەممە ١٥ی گەلاوێژ لە لایەن هێزەکانی ئیدارەی ئیتلاعاتی شاری سەقز دەستبەسەر کرابوون.