دوو هاووڵاتیی خەڵکی پیرانشار کە لە لایەن دەزگای قه‌زایی ڕژیمه‌وه هەر کامەیان حوکمی ٧ ساڵ زیندانیان بە سەردا سەپابوو، بە دانانی وه‌سیقه‌ی قورس و بە شێوەی کاتی له زیندان ئازاد کران.
بە پێی ئه‌م ڕاپۆرته، ڕۆژی یەکشەممە ٢٦ی گەلاوێژ دوو هاووڵاتیی خەڵکی پیرانشار بە ناوەکانی “نەوید سەید محەممەدئ” و “خالید سەید محەممەدی” کە ئامۆزای یەکترن و ماوەیەک له‌مه‌وبه‌ر لە لایەن دەزگای قه‌زایی ڕژیمه‌وه بە تۆمەتی “سیخۆڕی بۆ وڵاتە دژبەرەکان” هەر کامەیان حوکمی ٧ ساڵ زیندانیان بە سەردا سەپابوو، هەر کامەیان بە دانانی وه‌سیقه‌ی یەک میلیارد و ٤٠٠ میلیۆن تمەنی و بە شێوەی کاتی لە زیندانی نەغەدە ئازاد کران.