ڕۆژی سێشەممە ١٩ی خاکەلێوە، دوو هاووڵاتیی خەڵکی ورمێ، بە ناوەکانی “شارام کازمیان و محەممەد قزلباش”، بە دانانی وه‌سیقه و بە شێوەی کاتی لە زیندانی ناوەندیی ئەمشارە ئازاد کران.
به پێی ئه‌م ڕاپۆرته، “شارام کازمیان” بە دانانی وه‌سیقه‌ی ٢٠٠ ملیۆن تمەنی هەتا کاتی بڕیاری دادگای پێداچوونەوە بە شێوەی کاتی ئازاد کراوە و هەروەها “محەممەد قزلباش” بە دانانی وه‌سیقه‌ی ١٠٠ ملیۆن تمەنی بە شێوەی کاتی هەتا کاتی دادگاییکردنەکەی ئازاد کراوە. جێگه‌ی ئاماژه‌یه، ناوبراو ڕۆژی چوارشەممە ١١ی بەفرانباری پاره‌كه لەلایەن هێزە ئه‌منییه‌کانەوە ده‌ستبه‌سه‌ر و له لایه‌ن لقی ٢ی دادگای ڕژیم له شاری ورمێ، “شارام کازمیان”ی بە ٥ ساڵ زیندانیی تەعزیری مەحکووم كرابوو و ئەم حوکمەش ڕۆژی سێشەممە ٢٠ی ڕەشەممەی ساڵی ٩٨، بەو زیندانییە ڕاگەیەندراوە. هه‌روه‌ها “محەممەد قزلباش”، ڕێکەوتی ٤ی ڕەشەمەی ٩٨، لەلایەن هێزە ئه‌منییه‌کانەوە دەستبەسەر و پاش دوو حه‌فته ڕاگیران لە گرتووه‌خانه‌ی سپای پاسداران لە ورمێ بۆ زیندانی ناوەندیی ئەو شارە ڕاگوێزرابوو.