ڕاپۆرته‌كان باس له‌وه ده‌كه‌ن كه له درێژه‌ی ته‌قه‌ی هێزه‌كانی ڕژیم له كۆڵبه‌ران، كۆڵبه‌رێكی خه‌ڵكی گوندی “ڕاویان” سه‌ر به‌شاری خۆی به ته‌قه‌ی ئه‌م هێزانه پێكراوه و گیانی له‌ده‌ستداوه.
به پێی ئه‌م ڕاپۆرته، ڕۆژی دووشەممە ١٢ی گه‌ڵارێزان، کۆڵبەرێکی خەڵکی گوندی “ڕاویان”ی بەخشی قوتووری شاری خۆی بە ناوی “سیاوەش کورە سوننی”، بە تەقەی هێزە نیزامییەکانی ڕژیم گیانی لەدەستدا. شایانی باسه، ناوبراو بە گومانی “هەڵگرتنی شتومەکی قاچاخ” لەلایەن هێزە نیزامییەکانی ڕژیمه‌وه، تەقەی لێکراوە. جێگه‌ی ئاماژه‌یه‌ن هه‌ر لەم پەیوەندییەدا، ئێوارەی ڕۆژی یەکشەممە ١١ی گه‌ڵارێزان، کۆڵبەرێکی خەڵکی شاری “بانەوڕێـ”ـی شاری پاوە بە ناوی “لوقمان ڕەحیمی” بەهۆی تەقینەوەی مین لە سنووری شووشمێی نەوسوود بریندار و کەم ئەندام ببوو.